యూట్యూబర్ వైష్ణవి హత్య కేసులో సంచలన మలుపు.. భార్యను చంపిన కేసులో భర్త హత్య!

బెయిల్‌పై బయటకొచ్చిన హరిబాబును నడిరోడ్డుపై కత్తులతో పొడిచి చంపిన దుండగుడు

⚠️ ఒక హత్య కేసు.. మరో హత్య!

యూట్యూబర్ వైష్ణవి హత్య కేసులో నిందితుడిగా ఉన్న ఆమె భర్త హరిబాబు
తాజాగా నిజామాబాద్‌లో హత్యకు గురికావడంతో సంచలనం రేగింది.

ఆర్‌ఆర్‌ చౌరస్తాలో పట్టపగలే దాడి

బెయిల్‌పై బయట ఉన్న హరిబాబుపై గుర్తుతెలియని వ్యక్తి కారులో వచ్చి
కత్తులతో దాడి చేసి హత్య చేసినట్లు సమాచారం. కొబ్బరిబోండాలు కొట్టే
కత్తితో దాడి చేసినట్లు సీసీ ఫుటేజ్‌లో కనిపించినట్లు తెలుస్తోంది.

నడిరోడ్డుపై జరిగిన ఈ ఘటనతో స్థానికంగా తీవ్ర కలకలం రేగింది.
సీసీ ఫుటేజ్ ఆధారంగా నిందితుడి కోసం పోలీసులు గాలిస్తున్నారు.

వైష్ణవి హత్య కేసు నేపథ్యం

జగిత్యాల జిల్లా కోరుట్ల మండలం మాదాపూర్ గ్రామానికి చెందిన యూట్యూబర్
వైష్ణవి (20)కి హరిబాబుతో పది నెలల పరిచయం ప్రేమగా మారింది.
2025 మే 29న వెంకటాపూర్ శివారులోని వేంకటేశ్వర ఆలయంలో వివాహం చేసుకున్నారు.

వివాహ సమయంలో రూ.5 లక్షలు ఇచ్చినప్పటికీ మరో రూ.5 లక్షలు తీసుకురావాలని
హరిబాబు వేధించినట్లు కేసు నమోదైంది. అతని తల్లి లక్ష్మి – అన్నలు ఆనంద్ –
అశోక్ కూడా వేధింపులకు సహకరించినట్లు ఆరోపణలు ఉన్నాయి.

నాలుగు నెలల గర్భిణిపై దాడి

వైష్ణవి నాలుగు నెలల గర్భిణిగా ఉన్న సమయంలోనూ వేధింపులు కొనసాగినట్లు
కేసు వివరాల్లో ఉంది. ఓ రోజు అర్ధరాత్రి గదిలో గొడవ జరగగా హరిబాబు
కత్తితో దాడి చేసినట్లు ఆరోపణలు ఉన్నాయి.

ఉదయం హరిబాబు పరారవ్వగా, గదిలో రక్తపు మడుగులో ఉన్న వైష్ణవిని కుటుంబ సభ్యులు
ఆసుపత్రికి తరలించారు. అప్పటికే ఆమె మృతి చెందినట్లు వైద్యులు నిర్ధారించారు.

అప్పట్లో పోలీసులకు చిక్కిన హరిబాబు

వైష్ణవి హత్య అనంతరం పరారీలో ఉన్న హరిబాబును కోనరావుపేట ఎక్స్‌రోడ్డు వద్ద
పోలీసులు పట్టుకున్నారు. హత్యకు ఉపయోగించిన కత్తి – రక్తపు మరకలు ఉన్న
దుస్తులు – బైక్‌ను స్వాధీనం చేసుకున్నట్లు కేసు వివరాల్లో ఉంది.

ఇప్పుడు అదే కేసులో మరో సంచలనం

వైష్ణవి హత్య కేసులో నిందితుడిగా ఉన్న హరిబాబు తాజాగా హత్యకు గురికావడంతో
ఈ ఘటనపై పోలీసులు ప్రత్యేక దృష్టి సారించారు. హరిబాబును ఎవరు – ఎందుకు
హత్య చేశారనే కోణంలో దర్యాప్తు కొనసాగుతోంది.