ముంబై, సెప్టెంబర్ 28 (నవజ్యోతి ప్రతినిధి):
ముంబైలో 1904లో ప్రారంభమైన ప్రముఖ ఇరానీ కేఫ్ క్యానీ అండ్ కోపై మహారాష్ట్ర ఫుడ్ అండ్ డ్రగ్ అడ్మినిస్ట్రేషన్ (FDA) కఠిన చర్యలు తీసుకుంది. కేఫ్లో నిర్వహించిన తనిఖీల్లో ఆహార తయారీ, నిల్వ ప్రాంతాల్లో ఎలుకల వ్యర్థాలు, సజీవ ఈగలు, చనిపోయిన బొద్దింకలు కనిపించడంతో FSSAI లైసెన్స్ను తక్షణమే సస్పెండ్ చేసినట్లు FDA తెలిపింది.
సెప్టెంబర్ 27న మహారాష్ట్ర FDA చీఫ్ తుకారాం ముంఢే నేతృత్వంలోని బృందం కేఫ్లో తనిఖీలు నిర్వహించినట్లు సమాచారం. ప్రాసెసింగ్ ప్రాంతంలో తెరిచి ఉన్న మురుగునీటి మ్యాన్హోల్, నేలపైనే ఆహార పదార్థాల నిల్వ, ప్రింటెడ్ న్యూస్పేపర్తో పచ్చి పిండిని కప్పి ఉంచడం వంటి ఉల్లంఘనలు గుర్తించినట్లు అధికారులు తెలిపారు. కేఫ్ ప్రాంగణంలో పిల్లులు కూడా కనిపించినట్లు పేర్కొన్నారు.
రిఫ్రిజిరేటర్లో రక్తం.. పరిశుభ్రతపై లోపాలు
సిబ్బంది వ్యక్తిగత పరిశుభ్రత ప్రమాణాలు పాటించకపోవడం, పచ్చి-సిద్ధమైన ఆహారాన్ని వేర్వేరుగా నిల్వ చేయకపోవడం కూడా తనిఖీల్లో గుర్తించినట్లు FDA వెల్లడించింది.
తనిఖీల్లో రిఫ్రిజిరేటర్లో పెద్ద మొత్తంలో రక్తం పేరుకుపోయినట్లు, సిబ్బంది అవసరమైన పరిశుభ్రత ప్రమాణాలు పాటించకపోవడంతో పాటు వ్యక్తిగత రక్షణ పరికరాలు ఉపయోగించలేదని గుర్తించినట్లు FDA తెలిపింది. పచ్చి ఆహారం, సిద్ధంగా ఉన్న ఆహారాన్ని వేర్వేరుగా నిల్వ చేయకపోవడం కూడా గుర్తించినట్లు పేర్కొంది.
వినియోగదారుల ఆరోగ్యానికి తక్షణ ప్రమాదం కలిగించే స్థాయిలో ఆహార భద్రత, పరిశుభ్రత లోపాలు ఉన్నాయని పేర్కొంటూ ఫుడ్ సేఫ్టీ అండ్ స్టాండర్డ్స్ యాక్ట్-2006లోని సెక్షన్ 32(3) కింద లైసెన్స్ను సస్పెండ్ చేసినట్లు FDA తెలిపింది. తదుపరి ఆదేశాలు వచ్చే వరకు ఆహార పదార్థాల కొనుగోలు, తయారీ, ప్రాసెసింగ్, నిల్వ, విక్రయాలు, పంపిణీ నిలిపివేయాలని ఆదేశించింది.
రాష్ట్రవ్యాప్తంగా 50.60 టన్నుల ఆహారం స్వాధీనం
పండుగల సీజన్ నేపథ్యంలో సెప్టెంబర్ 23 నుంచి 27 వరకు నిర్వహించిన ప్రత్యేక తనిఖీల్లో రూ.1.19 కోట్ల విలువైన ఆహార పదార్థాలను స్వాధీనం చేసుకున్నట్లు FDA తెలిపింది.
పండుగల సీజన్ నేపథ్యంలో మహారాష్ట్రవ్యాప్తంగా సెప్టెంబర్ 23 నుంచి 27 వరకు FDA నిర్వహించిన ప్రత్యేక తనిఖీల్లో 50,601.78 కిలోల ఆహార పదార్థాలను, సుమారు రూ.1.19 కోట్ల విలువైన సరుకులను స్వాధీనం చేసుకున్నట్లు అధికారులు తెలిపారు. వీటిలో స్వీట్లు, పాల ఉత్పత్తులు, వంట నూనె, బియ్యం, డ్రైఫ్రూట్స్, నమ్కీన్, ఫర్సాన్, టీ, మసాలాలు, సాస్లు, నూడుల్స్, వేఫర్లు తదితరాలు ఉన్నాయి.
ఈ తనిఖీల్లో రాష్ట్రవ్యాప్తంగా 30 ఆహార సంస్థల లైసెన్సులు సస్పెండ్ చేయగా, 26 సంస్థలపై తనిఖీలు నిర్వహించినట్లు FDA తెలిపింది. నిషేధిత ఉత్పత్తులకు సంబంధించి రూ.30.93 లక్షల విలువైన సరుకులను స్వాధీనం చేసుకుని, 22 ఎఫ్ఐఆర్లు నమోదు చేసి, 30 మందిని అరెస్టు చేసినట్లు వెల్లడించింది. మూడు సంస్థలను సీజ్ చేసి, మూడు వాహనాలను కూడా స్వాధీనం చేసుకున్నట్లు తెలిపింది.
