సీతారామ భద్ర క్షేత్రానికి మరో భారీ విరాళం!

బిక్కనూరు, అక్టోబర్‌ 31 (నవజ్యోతి ప్రతినిధి): భిక్కనూరు మండలం రామేశ్వర్‌పల్లిలో నిర్మిస్తున్న శ్రీ సీతారామ భద్ర క్షేత్రం మందిర నిర్మాణానికి బస్వాపూర్‌ వాస్తవ్యులైన ఎన్నారై దంపతులు పందిరి శ్రీలత, రాజిరెడ్డి, కొంపల్లి, హైదరాబాద్‌ నివాసులు రూ.1,50,116 విరాళంగా అందజేశారు. ఈ సందర్భంగా జిల్లా గ్రంథాలయ సంస్థ చైర్మన్‌ మద్ది చంద్రకాంత్‌రెడ్డి దాతలను శాలువాలతో ఘనంగా సన్మానించి అభినందించారు. ఆలయ నిర్మాణానికి ఆర్థిక సహాయం అందించిన దాతలు, వారి కుటుంబ సభ్యులపై శ్రీరామచంద్ర స్వామి కృపాకటాక్షాలు ఎల్లప్పుడూ ఉండాలని ఆకాంక్షిస్తూ హృదయపూర్వక ధన్యవాదాలు తెలిపారు.