అడ్వర్టైజింగ్ టెండర్లపై మహిళా వ్యాపారవేత్త ఆరోపణలు !
సీఎం రేవంత్రెడ్డికి సన్నిహితుడిగా చెప్పుకున్న వ్యక్తిపై ఎక్స్లో ఆరోపణలు
హైదరాబాద్కు చెందిన మహిళా వ్యాపారవేత్త కె. శోభారెడ్డి అడ్వర్టైజింగ్ టెండర్ల వ్యవహారంలో ముఖ్యమంత్రి రేవంత్రెడ్డికి సన్నిహితుడిగా చెప్పుకున్న వ్యక్తిపై ఎక్స్ వేదికగా ఆరోపణలు చేశారు.
మిథున అడ్స్కు చెందిన 38 ఏళ్ల శోభారెడ్డి గత మూడేళ్లుగా అడ్వర్టైజింగ్ అవకాశాల కోసం ప్రయత్నిస్తున్నట్లు తెలిపారు. టెండర్లకు సంబంధించిన అంశంపై చర్చించేందుకు గెస్ట్హౌస్కు రావాలని తనను కోరినట్లు ఆమె ఎక్స్లో చేసిన పోస్టులో పేర్కొన్నారు.
రెగ్యులర్ టెండర్లు పూర్తయ్యే వరకు తాత్కాలికంగా రెవెన్యూ షేరింగ్ ప్రతిపాదనలు సమర్పించినట్లు శోభారెడ్డి తెలిపారు. కొన్ని అనధికారిక నిర్మాణాలు నోటీసులు, సడలింపులు ఉన్నప్పటికీ కొనసాగుతున్నాయని ఆమె తన పోస్టులో ప్రస్తావించారు.
తాను మహిళా వ్యాపారవేత్తగా ప్రత్యేక ప్రయోజనాలు కోరుకోవడం లేదని, సమాన అవకాశాలు, గౌరవం, పారదర్శకమైన వ్యాపార మార్గాలు మాత్రమే కోరుకుంటున్నట్లు పేర్కొన్నారు. ఈ సందర్భంగా ముఖ్యమంత్రి, సీఎంవోతో పాటు సంబంధిత ప్రభుత్వ అధికారుల ఎక్స్ ఖాతాలను ఆమె ట్యాగ్ చేశారు.
శోభారెడ్డి చేసిన పోస్టుతో పాటు గతంలో ఆమె చేసిన ఫిర్యాదులు కూడా చర్చకు వచ్చాయి. అక్రమ అడ్వర్టైజ్మెంట్ బోర్డుల వ్యవహారంపై ట్విట్టర్లో పోస్టులు చేయడంతో పాటు లోకాయుక్తకు ఫిర్యాదు చేసిన అనంతరం విజయ్రెడ్డి తదితరులు తనను దూషించి, బెదిరించినట్లు ఆమె ఆరోపించినట్లు కథనం పేర్కొంది.
ఏప్రిల్ 29న బంజారాహిల్స్లోని ఓ జ్యూస్ సెంటర్ వద్ద శోభారెడ్డి – విజయ్రెడ్డి మధ్య వివాదం జరిగినట్లు ఆమె ఫిర్యాదులో పేర్కొన్నారు. ఆ సమయంలో తనను బెదిరించడంతో పాటు రాజకీయ ప్రభావం ఉందని చెప్పుకున్నారని, తనకు అండగా ఎమ్మెల్సీ బల్మూర్ వెంకట్ పేరు ప్రస్తావించారని ఆమె ఆరోపించారు.
శోభారెడ్డి ఫిర్యాదు ఆధారంగా బంజారాహిల్స్ పోలీసులు క్రైమ్ నంబర్ 404/2026 నమోదు చేశారు. క్రిమినల్ బెదిరింపులు, మహిళ గౌరవానికి భంగం కలిగించే చర్యలకు సంబంధించిన సెక్షన్ల కింద కేసు నమోదు చేసినట్లు కథనంలో పేర్కొన్నారు.
ఎమ్మెల్సీ వెంకట్ వివరణ
ఈ వ్యవహారంలో తన పేరును ప్రస్తావించడంపై ఎమ్మెల్సీ బల్మూర్ వెంకట్ స్పందిస్తూ ఆరోపణలను ఖండించారు. విజయ్రెడ్డి తనకు సోదరుడు కాదని, కాంగ్రెస్ పార్టీ కార్యకర్త మాత్రమేనని తెలిపారు. ఈ వివాదం వారిద్దరి మధ్యేనని, తనకు ఎలాంటి సంబంధం లేదని స్పష్టం చేశారు. తాను శోభారెడ్డిని కలవలేదని, ఆరోపణల వివరాలు కూడా తనకు తెలియవని పేర్కొన్నారు.
