తిప్పాపూర్, సెప్టెంబర్ 28 (నవజ్యోతి ప్రతినిధి):
భిక్కనూర్ మండలం తిప్పాపూర్ గ్రామంలోని ప్రాథమిక వ్యవసాయ సహకార సంఘం ఆధ్వర్యంలో మహాజనసభ నిర్వహించారు. సొసైటీ చైర్మన్ భీమ్రెడ్డి తిరుపారి ఆధ్వర్యంలో జరిగిన సమావేశంలో సొసైటీ కార్యకలాపాలు, రైతులకు అందుతున్న సేవలు, రుణాల మంజూరు తదితర అంశాలపై చర్చించారు. సొసైటీ సీఈఓ శ్రీనివాస్ ఆదాయ, వ్యయాలు, ఆర్థిక లావాదేవీలు, రుణాల మంజూరు, వసూళ్ల వివరాలను సభ్యులకు వివరించారు.
రైతులకు రుణాలు.. రుణమాఫీపై తీర్మానాలు
స్వల్పకాలిక రుణాలు అందించడంతో పాటు అర్హులైన రైతులకు రుణమాఫీ చేయాలని ప్రభుత్వాన్ని కోరుతూ తీర్మానం చేశారు.
రైతులకు అవసరమైన స్వల్పకాలిక రుణాలను సొసైటీ ద్వారా అందించేందుకు చర్యలు తీసుకోవాలని సభలో నిర్ణయించారు. ఇప్పటివరకు రుణమాఫీ పొందని అర్హులైన రైతులకు రుణమాఫీ చేయాలని ప్రభుత్వాన్ని కోరుతూ తీర్మానం చేశారు. పంటల కొనుగోళ్లకు అవసరమైన ఏర్పాట్లు చేసి, ధాన్యం కొనుగోలు కేంద్రాలను సకాలంలో ఏర్పాటు చేయాలని మరో తీర్మానం చేశారు.
సొసైటీ ద్వారా రైతులకు ఎరువులు, విత్తనాలు, రుణ సదుపాయాలు అందుబాటులో ఉండేలా చర్యలు తీసుకోవాలని సభ్యులు సూచించారు. రైతులకు ఇబ్బందులు కలగకుండా అవసరమైన సేవలను అందుబాటులోకి తీసుకురావాలని కోరారు.
రైతుల సమస్యలను సంబంధిత అధికారుల దృష్టికి తీసుకెళ్లి పరిష్కరించేందుకు కృషి చేయాలని మహాజనసభ నిర్ణయించింది. కార్యక్రమంలో సర్పంచ్ కుంట లింగారెడ్డి, సొసైటీ డైరెక్టర్లు, రైతులు, సంఘ సభ్యులు, గ్రామ పెద్దలు తదితరులు పాల్గొన్నారు.
