బౌరంపేట్‌లో ఘోర రోడ్డు ప్రమాదం

దుండిగల్‌ పోలీస్‌ స్టేషన్‌ పరిధిలోని బౌరంపేట్‌లో జరిగిన రోడ్డు ప్రమాదంలో ఓ సూపర్‌వైజర్‌ మృతి చెందాడు. శంభీపూర్‌కు చెందిన ఉదుతూరి వెంకట్‌రెడ్డి (38) ద్విచక్ర వాహనంపై వెళ్తుండగా కారు ఢీకొట్టడంతో తీవ్రంగా గాయపడ్డారు. ఆస్పత్రిలో చికిత్స పొందుతూ పరిస్థితి విషమించి మృతి చెందినట్లు పోలీసులు తెలిపారు.

ఈ ప్రమాదంలో వెంకట్‌రెడ్డికి తలకు తీవ్ర గాయంతో పాటు కుడికాలు, శరీరంలోని ఇతర భాగాల్లో గాయాలయ్యాయి. వెంటనే ఆయనను మల్లారెడ్డి నారాయణ ఆస్పత్రికి తరలించి చికిత్స అందించారు.

అయితే పరిస్థితి విషమించడంతో అదే రోజు రాత్రి 10.28 గంటలకు వెంకట్‌రెడ్డి మృతి చెందినట్లు వైద్యులు ప్రకటించారు. దీంతో కుటుంబ సభ్యులు విషాదంలో మునిగిపోయారు.